Հայաստանի կառուցապատման ոլորտում նորարարական քայլ՝ գնորդի վճարումների ապահովագրություն

ԱՐՏՔՈՄՓԱՆԻ կառուցապատող ընկերությունը, ԱՐԳՈ ՌԻԵԼԹԻ անշարժ գույքի գործակալությունը և ԷՖԵՍ ապահովագրական ընկերությունը պատմական քայլ են կատարում՝ առաջին անգամ Հայաստանում ներդնելով գնորդի վճարումների ապահովագրություն՝ միջազգային երաշխիքով:

Այս եզակի ֆինանսական գործիքը, որը հիմնված է միջազգային լավագույն փորձի վրա, 100% երաշխավորում է, որ գնորդը կստանա իր տարաժամկետ վճարումների ամբողջ գումարը, եթե կառուցապատող ընկերությունը չիրականացնի իր պայմանագրային պարտավորությունները: ԱՐՏՔՈՄՓԱՆԻ ընկերության երկու խոշորամասշտաբ նախագծերի՝ Firdus Prime Residence-ի և Գյուրջյան Կասկադ-ի համար ներդրված այս ապահովագրությունը գործում է շենքերի կառուցման ամբողջ ընթացքում՝ ապահովելով գնորդի ներդրման լիակատար անվտանգությունը մինչև շինարարության ավարտը:

Ընկերություններն ապահովում են Հայաստանում աննախադեպ վերաապահովագրական պաշտպանություն, որը վերափոխում է ամբողջ գործընթացի անվտանգությունն ու վստահությունը։ Հաջողվել է գտնել բացառիկ լուծումներ, որոնք թույլ են տալիս վճարումների ապահովագրությունը դարձնել առավել հուսալի՝ ապահովելով կայունություն թե՛ գնորդների, թե՛ կառուցապատողների համար։

Վերաապահովագրությունն իրականացվում է Լոնդոն Մարկետում գործող A վարկանիշ ունեցող առաջատար վերաապահովագրական ընկերությունների, ինչպես նաև Շվեյցարիայի հեղինակավոր և միջազգային վստահություն վայելող վերաապահովագրական ընկերությունների միջոցով։

Լոնդոն Մարկետը համարվում է աշխարհի ապահովագրական և վերաապահովագրական խոշորագույն կենտրոնը՝ միավորելով ամենամեծ, ամենաերկար պատմություն ունեցող և բարձր վարկանիշ ունեցող ընկերություններին։ Այն ապահովագրական ոլորտում սահմանում է միջազգային չափանիշներ, որոնք ընդունված են որպես վստահելիության և կայունության ցուցիչ ամբողջ աշխարհում։

Համագործակցությունն այս շուկայի առաջատարների հետ հավելյալ երաշխիք է հաճախորդների համար։

Եռակողմ հուշագրի ստորագրման լուսաբանումը կարող եք տեսնել այստեղ։