Ճամփորդության ապահովագրություն` երազանքի ուղղության համար

Վերջին տարիներին ճամփորդության ապահովագրությունը դարձել է արտերկիր մեկնող մարդկանց ճամփորդական պլանավորման անբաժանելի մասը։ Սակայն շատերի համար այն շարունակում է մնալ պարզապես հերթական փաստաթուղթը, որը պետք է ձեռք բերել վիզայի համար կամ «ամեն դեպքում»։

Իրականում, ճանապարհորդական ապահովագրությունը շատ ավելին է, քան ձևական պահանջը։ Այն նախատեսված է պաշտպանելու ձեզ այն իրավիճակներում, որոնք հնարավոր չէ կանխատեսել և որոնցից ոչ ոք ապահովագրված չէ։

Ինչո՞ւ է կարևոր ճամփորդության ապահովագրությունը

Գաղտնիք չէ, որ հաջող ճամփորդությունը սկսվում է գրագետ պլանավորումից։ Մենք ընտրում ենք ուղղությունը, ամրագրում հյուրանոցը, գնում ավիատոմսերը և կազմում երթուղին։ Սակայն որքան էլ մանրամասն պլանավորենք, վերահսկել մեզ հետ կատարվող բոլոր իրադարձությունները գրեթե անհնար է։

Հենց այս պատճառով է կարևոր հասկանալ, թե ինչ պաշտպանություն և առավելություններ է տրամադրում ճամփորդական ապահովագրությունը։

Շատ հաճախ մտածում ենք. «Ինձ հետ ոչինչ չի պատահի»։ Սակայն արտերկրում նույնիսկ փոքրիկ առողջական խնդիրը, վնասվածքը կամ կորած ուղեբեռը կարող են վերածվել ոչ միայն անհարմարության, այլև զգալի ֆինանսական բեռի։

Արդյո՞ք ճամփորդական ապահովագրությունն իսկապես անհրաժեշտ է

Պատասխանը պարզ է՝ այո։

Արտերկրում հանդիպող ռիսկերը բազմազան են՝ սկսած առողջական խնդիրներից մինչև ճանապարհորդության կազմակերպման հետ կապված դժվարություններ։

Ճամփորդական ապահովագրությունը կարող է ծածկել հետևյալ ռիսկերը․

• Հանկարծակի հիվանդություն կամ վնասվածք արտասահմանում

• Շտապ բժշկական օգնություն և հոսպիտալացում

• Թռիչքի ուշացում կամ չեղարկում

• Ուղեբեռի կորուստ, վնաս կամ ուշացում

• Ճամփորդության ընդհատում կամ չեղարկում անկանխատեսելի պատճառներով

Առանց ճամփորդության ապահովագրության, բուժօգնությունը Եվրոպայում կամ ԱՄՆ-ում կարող է գերազանցել անգամ բուն ճամփորդության ծախսերը։

Եթե ճամփորդում եք Շենգեն գոտում

Եթե մտադիր եք բացահայտել Եվրոպան, ճամփորդության ապահովագրություն ձեռք բերելը ոչ թե ընտրություն է, այլ պարտադիր պայման վիզայի համար անհրաժեշտ փաստաթղթերը ներկայացնելիս։ Շենգեն ապահովագրությունը պետք է ծածկի նվազագույնը €30,000 բժշկական ծախսեր, գործի ճամփորդության ողջ ընթացքում և ճանաչվի Շենգեն գոտու բոլոր երկրների կողմից։

Ինչպե՞ս օնլայն ձեռք բերել ճամփորդության ապահովագրություն

ԷՖԵՍ-ի հետ ճամփորդության ապահովագրություն ձեռք բերելը տևում է ընդամենը մի քանի րոպե։ Ձեզ հարկավոր չէ այցելել կամ զանգահարել գրասենյակ։

1. Անցեք EFES Insurance կայք կամ ներբեռնեք EFES Insurance բջջային հավելվածը

2. Ընտրեք ճամփորդության ուղղությունը և ամսաթվերը

3. Լրացրեք ձեր տվյալները

4. Ստացեք գնային հաշվարկ

5. Կատարեք առցանց վճարումը և ստացեք պայմանագիրը ձեր էլ․ հասցեին։

Ճամփորդությունը EFES Travel-ի հետ

ԷՖԵՍ-ի ճամփորդական ապահովագրական լուծումները ստեղծված են այնպես, որ ճանապարհորդները կարողանան կենտրոնանալ միայն իրենց ուղևորության վրա՝ վստահ լինելով, որ անսպասելի իրավիճակներում կունենան անհրաժեշտ աջակցություն։

EFES Travel-ի հիմնական առավելություններն են՝

• Առցանց ձևակերպում րոպեների ընթացքում

• EFES Insurance բջջային հավելվածի միջոցով ճամփորդության ժամանակ 24/7 հայալեզու աջակցության հասանելիություն

• Ճկուն փաթեթներ

• Ծածկույթ ամբողջ աշխարհում

• Շենգեն վիզայի պահանջներին լիովին համապատասխանություն

Ճամփորդությունը հիշարժան պահերի մասին է

Նոր երկիր և մշակույթ բացահայտելը կյանքի լավագույն փորձառություններից է՝ նոր տպավորություններով և հիշողություններով լեցուն։

Ճամփորդական ապահովագրությունը չի կարող կանխել բոլոր ռիսկերը, սակայն այն կարող է զգալիորեն նվազեցնել ֆինանսական հետևանքները՝ թույլ տալով կենտրոնանալ այն ամենի վրա, ինչը հանգիստը իրապես հիշարժան կդարձնի։

Ճամփորդի´ր վստահ ԷՖԵՍ-ի հետ

Պլանավորո՞ւմ եք ձեր հաջորդ ուղևորությունը։ Ձեռք բերեք օնլայն ճանապարհորդության ապահովագրություն և շարունակեք ձեր ճամփորդությունն առավել անհոգ՝ իմանալով, որ անսպասելի իրավիճակներում ունեք վստահելի ուղեկից։