2025թ․1-ին կիսամյակ․ ԷՖԵՍ-ը շարունակում է բարելավել գործառնական ցուցանիշները

Ամփոփելով 2025-ի 1-ին կիսամյակը՝ ԷՖԵՍ ԱՓԲԸ-ն շարունակել է իր կայուն զարգացման ընթացքը՝ ամրապնդելով իր առաջատար դիրքը կամավոր ապահովագրության ոլորտում: Այս փուլում Ընկերությունը շարունակել է կենտրոնանալ հաճախորդների սպասարկման որակի բարձրացման, թվային լուծումների կատարելագործման և նորարար ծառայությունների մատուցման վրա։

2025թ․1-ին կիսամյակ․ ԷՖԵՍ-ը շարունակում է բարելավել գործառնական ցուցանիշները

Ընկերության հիմնական ֆինանսական ցուցանիշներ

• 2025թ․ առաջին կիսամյակում Ընկերությունը պահպանել է նախորդ տարվա նույն ժամանակահատվածի ապահովագրավճարների պորտֆելը՝  հավաքագրելով գրեթե 7․4 մլրդ ՀՀ դրամի ապահովագրավճար։

• Ապահովագրավճարների պորտֆելի կառուցվածքում նշանակալի ծավալ ունեն գույքի ապահովագրությունը՝ ավելի քան 2.8 մլրդ դրամ, առողջության ապահովագրությունը՝ 2․6 մլրդ դրամ, և ցամաքային տրանսպորտի կամավոր ապահովագրությունը՝ գրեթե 1 մլրդ դրամ։

• 2025թ․ առաջին կիսամյակի արդյունքներով Ընկերությունը վստահորեն զբաղեցնում է առաջատարի դիրքը թե՛ կամավոր ապահովագրության շուկայում առանձին (33.1% մասնաբաժին), թե՛ ամբողջ ապահովագրական շուկայում (18.3% մասնաբաժին):

• Նախորդ տարվա նույն ժամանակահատվածի համեմատ Ընկերության ընդհանուր ակտիվներն աճել են՝ կազմելով 11.5 մլրդ ՀՀ դրամ։ Ակտիվների եկամտաբերությունը՝ 3.3%:

• Զուտ ներդրումային արդյունքը կազմել է 193.5 մլն ՀՀ դրամ, ներդրումային պորտֆելի եկամտաբերությունը՝ 9.8%:

• Կապիտալի համարժեքության նորմատիվը կազմել է 1.61, իսկ իրացվելիության նորմատիվը՝ 1.22: Նշված նորմատիվները  գտնվում են անվտանգ ու կայուն միջակայքում։ 

  Նախորդ տարվա նույն ժամանակահատվածի համեմատ Ընկերությունը բարելավել է իր բոլոր գործառնական ցուցանիշները, այդ թվում՝ ապահովագրական և ներդրումային արդյունքները, ակտիվները, սեփական կապիտալը և զուտ շահույթը։
  

  Աղյուսակ․ 2025 թվականի 1-ին կիսամյակի հիմնական գործառնական ցուցանիշներ՝ համեմատած նախորդ տարվա 1-ին կիսամյակի հետ

  

  «ԷՖԵՍ» ԱՓԲԸ Գլխավոր գործադիր տնօրեն Արևշատ Մելիքսեթյանի մեջբերում․ «2025 թվականի 1-ին կիսամյակը ԷՖԵՍ ԱՓԲԸ-ի համար նշանավորվեց ինչպես թվային առաջընթացով, այնպես էլ կառավարման կառուցվածքային փոփոխություններով։ Այս փուլում մենք շարունակեցինք մեր հանձնառությունը՝ ապահովագրությունն ավելի մատչելի, պարզ և վստահելի դարձնելու յուրաքանչյուր քաղաքացու համար։

  Մենք ներդրեցինք նոր հնարավորություններ, մասնավորապես՝ անհատականացված պատուհան EFES Online հարթակում, որի շնորհիվ մեր հաճախորդները կարող են ստանալ առավել հարմարեցված և արդյունավետ ապահովագրական փորձառություն։

  Այս եռամսյակում տեղի ունեցավ կարևոր փոփոխություն նաև Ընկերության կառավարման կազմում․ Խորհրդի նախագահ նշանակվեց պարոն Դեվի Խեչինաշվիլին։ Նրա միջազգային փորձառությունը և ռազմավարական հայացքը խթանելու են Ընկերության աճն ու նորարար ուղղություններով զարգացումը։

  Մենք հավատում ենք, որ վստահելի ապահովագրությունն այն հենարանն է, որի վրա կարող են կառուցվել ավելի խաղաղ, ստեղծագործ և վստահությամբ լի կյանքեր։ Մենք շարունակում ենք ներդնել ժամանակակից լուծումներ՝ բարելավելու հաճախորդների փորձը, բարձրացնելու ծառայությունների հասանելիությունն ու ամրապնդելու ԷՖԵՍ-ի դիրքը՝ որպես առաջատար ապահովագրական գործընկեր։» Շուկայում առաջատար ապահովագրական ուղղությունները՝ ըստ ապահովագրավճարների
  

  

  
  

  ԷՖԵՍ Ապահովագրական Ընկերությունը Հայաստանի առաջատար կամավոր ապահովագրական ընկերություններից մեկն է։ Հիմնադրված 2023 թվականին՝ այն ներկայացված է ապահովագրական շուկայում ստեղծագործ մոտեցումներով՝ առաջարկելով թվային լուծումներ և բարձր որակի սպասարկում։ Գործունեության հիմնական ուղղությունը կամավոր ապահովագրությունն է՝ 2024թ․-ին հավաքագրելով 11,8 մլրդ ՀՀ դրամ ապահովագրավճարներ։ Իր 200-ից ավելի փորձառու մասնագետներով ծառայություն է մատուցում տարեկան մոտ          170 000 հաճախորդի։ Ընկերությունն ակտիվորեն ընդլայնում է իր միջազգային համագործակցությունները՝ ապահովելով իր ժամանակակից և մատչելի ապահովագրական ծառայություններ իր հաճախորդների համար։ ԷՖԵՍ-ի առաքելությունն է․ «Մարդուն և հասարակությանը հնարավորություն տալ կենտրոնանալ կյանքի դրական և ստեղծագործ կողմերի վրա»։ ԿԱՐԵՎՈՐԸ ԴՈՒ ԵՍ

  ________

  Մամլո հաղորդագրության հետ կապված հարցեր․ pr@efes.am