ԷՖԵՍ ապահովագրական ընկերությունը մեկնարկում է գյուղատնտեսական ապահովագրության ծրագիրը

Փետրվարի 15-ից ԷՖԵՍ ապահովագրական ընկերությունը մեկնարկել է գյուղատնտեսական ապահովագրության ծրագիրը, որը հնարավոր է դարձնում ապահովագրել 10-ից ավել մշակաբույսեր գարնանային ցրտահարություններից, կարկուտից, երաշտից և հրդեհից։  

Ծրագիրն իրականացվելու է համատեղ ապահովագրության (համաապահովագրության) մեխանիզմով՝ 6 ապահովագրական ընկերությունների մասնակցությամբ։ Որպես գլխավոր ապահովագրող հանդես է գալիս «ԷՖԵՍ» ապահովագրական ընկերությունը: Համաապահովագրության այսպիսի մոդելը նմանատիպ լայնամասշտաբ ձևով Հայաստանում կիրառվում է առաջին անգամ։ 

Գյուղատնտեսության ապահովագրությունն իրականացվում է պետության ֆինանսական աջակցությամբ․ ապահովագրավճարը մասամբ սուբսիդավորվում է պետության կողմից՝ ծիրանի և հացահատիկի դեպքում՝ 40%, մնացած մշակաբույսերի դեպքում՝ 60%-ի չափով։  2026թ․ ծրագրով գյուղապահովագրության շրջանակներում ապահովագրության ենթակա են հետևյալ մշակաբույսերը՝ ծիրան, խաղող, խնձոր, դեղձ, սալոր, սեխ, ձմերուկ, կարտոֆիլ, բալ, կեռաս, հացահատիկային մշակաբույսեր (աշնանացան և գարնանացան), նաև՝ պտղատու այգիներ, դաշտեր, հողատարածքներ։ Ապահովագրական ռիսկերն են՝ կարկուտ, գարնանային ցրտահարություն, հրդեհ և երաշտ։ 

Ապահովագրական սակագինը կախված է ապահովագրվող մշակաբույսից, գտնվելու վայրից, ապահովագրվող ռիսկերից և ընտրված հատուցման սահմանաչափերից։ 

Ծրագրի պայմաններին առավել մանրամասն ծանոթանալու  համար այցելեք https://www.efes.am/agricultural-insurance  

ԷՖԵՍ Ապահովագրական ընկերությունը  Հայաստանի գյուղատնտեսության ապահովագրության ձևավորման և մշակման հիմնական ընկերություններից մեկն է, որն ունի ոլորտի մեծ փորձառություն և գիտելիք ունեցող մասնագետների թիմ։ Ընկերության համար գյուղապահովագրությունը սոցիալական կարևոր նշանակություն ունեցող ռազմավարական ուղղություն է, որի նպատակն է նպաստել գյուղատնտեսության կայուն զարգացմանը, գյուղացիների պաշտպանվածության բարձրացմանն ու ոլորտի ամրապնդմանը։ 

ԷՖԵՍ Ապահովագրական ընկերությունը Հայաստանի առաջատար կամավոր ապահովագրական ընկերություններից մեկն է։ Հիմնադրվելով  2023 թվականին՝ այն ներկայանում է ապահովագրական շուկայում ստեղծագործ մոտեցումներով՝ առաջարկելով ժամանակակից թվային լուծումներ և բարձր որակի սպասարկում։ Գործունեության հիմնական ուղղությունը կամավոր ապահովագրությունն է՝ 2025թ․-ին հավաքագրելով 13,3 մլրդ ՀՀ դրամ ապահովագրավճար։ Իր՝ 220-ից ավել փորձառու մասնագետներով Ընկերությունը ծառայություն է մատուցում տարեկան մոտ 200,000 հաճախորդի։ Ընկերությունն ակտիվորեն ընդլայնում է իր միջազգային համագործակցությունները՝ իր հաճախորդներին մատուցելով ժամանակակից և մատչելի ապահովագրական ծառայություններ։ ԷՖԵՍ-ի առաքելությունն է «մարդուն և հասարակությանը հնարավորություն տալ կենտրոնանալ կյանքի դրական և ստեղծագործ կողմերի վրա»։ 

ԿԱՐԵՎՈՐԸ ԴՈՒ ԵՍ  

Մամլո հաղորդագրության հետ կապված հարցեր․ pr@efes.am