EFES Oncocare

ԷՖԵՍ-ն իրականացնում է ապահովագրություն ոչ կյանքի ապահովագրության «Դժբախտ պատահարներից ապահովագրություն» դասով։

Ապահովագրության պայմանագիրը վաղաժամկետ դադարեցվում է․

• Ապահովագրված անձի մահվան դեպքում,

• Ապահովադրի մահվան դեպքում, եթե ապահովագրված անձը ապահովադրի երեխան է,

• Ապահովագրության գումարը սպառվելու դեպքում,

• Ապահովագրված անձի 85 տարեկանը լրանալու դեպքում,

• Ապահովագրված անձի 21 տարեկանը լրանալու դեպքում, եթե ապահովագրված անձն ապահովադրի երեխան է,

• Ապահովադրի կամ ապահովագրողի՝ պայմանագիրը վաղաժամկետ դադարեցնելու դեպքում, պայմանով, որ դադարեցնող կողմը այդ մասին ոչ պակաս, քան 15 օր առաջ ծանուցել է մյուս կողմին,

• Ապահովադրի կողմից պայմանագրով սահմանված ժամկետներում ապահովագրավճարի չվճարման (տարաժամկետ վճարման դեպքում՝ դրա հերթական մասի վճարումը չկատարելու կամ ոչ ամբողջությամբ վճարելու) դեպքում,

• Ապահովադրի օնկոլոգիական հիվանդություններից ապահովագրության պայմանագրի, որտեղ առաջինս հանդիսանում է նաև ապահովագրված անձ դադարեցման դեպքում, եթե սույն պայմանագրում ապահովագրված անձը ապահովադրի երեխան է,

• Ապահովադրի մոտ ինվազիվ քաղցկեղի ախտորոշման դեպքում, եթե ապահովագրված անձը ապահովադրի երեխան է,

• Ապահովագրված անձի մոտ նախաինվազիվ քաղցկեղի ախտորոշման դեպքում, միայն նախաինվազիվ քաղցկեղ ռիսկի մասով,

• Ապահովադրի մոտ ուղեղի կամ ողնուղեղի բարորակ ուռուցքի ախտորոշման դեպքում, եթե ապահովագրված անձը ապահովադրի երեխան է,

• Գործող օրենսդրությամբ սահմանված կարգով` կողմերի պայմանագրով սահմանված կետերը խախտելու դեպքում,

• ՀՀ գործող օրենսդրությամբ, կանոններով և/կամ պայմանագրով սահմանված այլ դեպքերում։

Ապահովադրի կողմից պայմանագրի չլրացած օրերի համար վճարած լինելու դեպքում ապահովագրողն ապահովադրին վերադարձնում է պայմանագրի գործողության չլրացած ժամկետի համար վճարված ապահովագրավճարների և պայմանագրի շրջանակներում տրամադրված հատուցումների (այդ թվում նաև՝ հատուցման ենթակա, սակայն դեռևս չհատուցված գումարները) դրական տարբերությունը։

Մանրամասներին կարող եք ծանոթանալ ապահովագրության կանոններում։

Ապահովագրության պայմանագիրը կնքվում է մեկ տարի ժամկետով և կարող է մինչև 5 տարի ժամկետով ավտոմատ վերակնքվել։ Ապահովագրության ժամկետը որոշվում է Պայմանագրով: Ապահովագրության ժամկետը կարող է վերակնքվել կողմերի համաձայնությամբ, սակայն այն ավտոմատ դադարում է, երբ լրանում է ապահովագրված անձի 85 տարեկանը: Ապահովագրության դադարեցումից և ապահովագրության վերակնքումից հետո սպասման ժամկետը սկսվում է նորից, եթե անձը շարունակական ծածկույթ չի ունեցել: Սպասման ժամկետ՝ Պայմանագրի ուժի մեջ մտնելու օրվանից սահմանված ժամանակահատված, որի ընթացքում հատուցում չի տրվում (օնկոլոգիական հիվանդության դեպքում)։

Ապահովագրական պայմանագրի գործողության ընթացքում պայմանագրի կրկնօրինակները, տեղեկանքները և այլ տեղեկությունները տրամադրվում են 5 օրվա ընթացքում՝ անվճար: