Ձեր վկայագրի կենտրոնական աջ հատվածում կա Ապահովագրության ծրագրի QR կոդը. սքանավորելով այնԴուք կանցնեք ապահովագրական ծառայությունների էջ, որտեղ մանրամաս ններկայացված են բոլոր ծրագրերը։

Ձեր վկայագրի կենտրոնական ձախ հատվածում նշված է Ձեր Ապահովագրության փաթեթը (ապահովագրությանծրագրիսյուներ) ևծածկույթը (ապահովագրությանծրագրիտողեր)։

Ձեր պայմանագիրը հասկանալու համար ապահովագրության ծրագրում համադրե'ք Ձեր փաթեթը և ծածկույթները՝իրենցսահմանաչափերով, սպասմանժամկետներով։

Ապահովագրական հատուցումը հաստատելուց առաջ Ձեր բժիշկը հասկանում է թե Ձեր դիմումը ապահովագրության պայմանագրի ո՞ր բաժնին է համապատասխանում և ո՞ր տողին։ Ըստ այդմ, որոշվում է արդյոք դեպքը հատուցվող է թե ոչ, ներառված է բացառություններումթե՞ոչ, կանսպասման ժամկետներ թե՞ոչ։

Սահմանաչափը ցույց է տալիս այն առավելագույն գումարը, որը ԷՖԵՍ-ը կհատուցի Ձեզ տվյալ ծառայության համար՝ մեկ պայմանագրի ընթացքում։

Ցանկացած հիվանդություն, որն ախտորոշվել է կամ օբյեկտիվորեն ծագել է մինչև ապահովագրության պայմանագրի կնքումը համարվում է նախապես առկա վիճակ և ենթակա չէ հատուցման։

Օրինակ՝ պայմանագրի գործողության չորրորդ ամսում անձը գանգատների կապակցությամբ դիմում է ուրոլոգի խորհրդատվության, իրականացվում է ՈՒՁՀ, և հայտնաբերվում է 0.6 սմ չափով քար։ Հաջորդիվ նշանակվում է պլանային քարափշրում։ Քարի առկայության մասին պացիենտը կարող է չիմանալ, սակայն օբյեկտիվորեն երիկամաքարային հիվանդությունը եղել է դեռևս ախտորոշումից և պայմանագրի կնքումից ամիսներ, նույնիսկ՝ տարիներ առաջ։

Սպասման ժամկետի ընթացքում ախտորոշված կամ առաջացած վիճակները նույնպես, ինչպես նախապես առկա վիճակները, ենթակա չեն հատուցման։ Օրինակ՝ պայմանագիրը կնքելուց հետո անձը զգում է կրծքավանդակի շրջանում ցավ, շնչահեղձություն և հոգնածությունը։ Նա դիմում է համապատասխան բժիշկների, անցնում է անգիոգրաֆիա և պարզվում է, որ նրա մոտ առկա է սրտի անոթի 70% նեղացում, որի դեպքում ցուցվում է ստենտավորող միջամտություն։ Այս դեպքում, առողջության վիճակը օբյեկտվորեն ծագած չի եղել պայմանագրի կնքումից և սպասման ժամկետները լրանալուց հետո, ուստի ապահովագրական հատուցում չի տրամադրվում՝ չնայած որ անձը չգիտեր իր ախտորոշման մասին։

Եթե վիճակը պահանջում է շտապ բժշկական միջամտություն, առանց որի անձը կմահանա կամ կդառնա հաշմանդամ, ապա իրեն մատուցված ծառայությունները համարվում են անհետաձգելի բուժօգնության մաս։

Եթե ինչ-որ հիվանդություն, վիճակ բուժելու համար անհրաժեշտ է վիրահատություն, որը հնարավոր է հետաձգել օրեր, ամիսներ, երբեմն տարիներ, առանց անձի վիճակի հետագա էական բարդացման, ապա այն համարվում է պլանային միջամտություն։

Այսինքն, պլանային վիրահատություններ են համարվում վիրահատական միջամտությունները, որոնք հանգեցնում են հիվանդության կամ վիճակի լիարժեք ապաքինման։ Օրինակ՝ վարիկոզ հիվանդության ժամանակ լայնացած երակների հեռացում, լեղաքարային հիվանդության ժամանակ լեղապարկի հեռացում, միոմաների ժամանակ արգանդի էքստիրպացիա և այլն։

Վիրահատությունը նպատակ ունի բուժել կամ բարելավել քրոնիկ կամ ոչ սուր վիճակ։

Կանխարգելիչ բուժօգնության որոշ ծառայություններ ավելի հաճախ են հասանելի այն հաճախորդներին, որոնք տվյալ հետազոտությամբ բացահայտվող հիվանդության համար ունեն ուղիղ ընտանեկան պատմություն։ Ուղիղ ընտանեկան պատմություն ասելով հասկանում ենք անձի ծնողներից մեկի մոտ տվյալ ախտորոշումը։

Եթե Դուք եկամտահարկ եք վճարում և ներկայացնում եք տարեկան հարկային հայտարարագիր, ապա կարող եք ստանալ մասնակի փոխհատուցում Ձեր անկանխիկ (քարտով կամ բանկային փոխանցումով կատարված) ծախսերի համար՝ կապված առողջապահության (բժշկի այցելություններ, դեղեր, բուժում) և կրթության (ուսման վարձ, ուսումնական պարագաներ) հետ։ Դրա համար անհրաժեշտ է պահել բոլոր անդորրագրերը (inovice) և վճարումների հաստատումները, ապա դրանք ներառել հարկային հայտարարագրում։

Սոցիալական ծախսերի փոխհատուցումից կարող են օգտվել ռեզիդենտ ՀՀ քաղաքացիները, ովքեր 2025 թվականին՝ 2024 թվականի համար, ներկայացրել են կամ պետք է ներկայացնեն տարեկան եկամտային հայտարարագիր և վճարում են եկամտային հարկ։ Այս հնարավորությամբ կարող եք սոցիալակն ծախս կատարել ոչ միայն Ձեր, այլև Ձեր ընտանիքի անդամներին՝ ամուսին, ծնող, զավակ։

Սոցիալական ծախսերի փոխհատուցման համար թույլատրելի են այն կրթական և առողջապահական ծախսերը, որոնք կատարվել են Հայաստանում և համապատասխանում են սահմանված չափանիշներին։

Առողջապահական փոխհատուցման ենթակա ծախսեր են առողջության ապահովագրության փաթեթի ձեռքբերման վճարները (ՀՀ-ում գործող ապահովագրական ընկերությունից) և ատամնաբուժական ծառայությունների դիմաց կատարված վճարները՝ այն դեպքում, երբ վերջինս տրամադրվել է լիցենզավորված բժշկական հաստատության կողմից։ Այս բոլոր վճարումները պետք է կատարված լինեն անկանխիկ եղանակով։

Ոչ, բժշկական հետազոտության, վիրահատության կամ այլ նմանատիպ բժշկական ծառայությունների համար կատարված վճարումները չեն համարվում սոցիալական ծախս և փոխհատուցման ենթակա չեն։ Առողջապահության մասով փոխհատուցում կարող եք ստանալ միայն այն դեպքում, եթե հայտարարատու տարվա ընթացքում գնել եք առողջության ապահովագրություն ՀՀ ապահովագրական ընկերություններից որևէ մեկից կամ օգտվել եք ատամնաբուժական ծառայություններից։

Սոցիալական ծախսերի փոխհատուցումից օգտվելու համար անհրաժեշտ է կատարել 2 պարզ քայլ․

✅ Քայլ 1․ Վերցնել հաշվարկային փաստաթուղթը (invoice) ապահովագրական ընկերությունից

✅ Քայլ 2․ Ներկայացնել եկամտային հայտարարգիրը՝ նշելով կատարած սոցիալական ծախսը

Սա այն պաշտոնական փաստաթուղթն է, որը հաստատում է, որ Դուք որևէ ծառայության կամ ապրանքի համար կատարել եք վճարում։

Քայլ 1. Մուտք գործե'ք Ֆիզիկական անձանց էլեկտրոնային ծառայությունների միասնական համակարգ՝ self-portal.taxservice.am:

Գլխավոր էջում ընտրեք «Հարկերի մարում/վերադարձ» բաժինը, ապա «Սոցիալական ծախսեր» պատուհանում տեսեք, թե որքան գումար եք կարող վերադարձնել։ Համակարգ կարող եք մուտք գործել նաև Self Portal բջջային հավելվածով (հասանելի iOS և Android)։

Քայլ 2. Վերադարձե'ք գլխավոր էջ և բացեք «Հայտարարագրեր» բաժինը։ Այստեղ «Հայտարարագրերի ձևեր»-ից ընտրեք «Դիմում՝ միասնական հաշվից գումարները վերադարձնելու համար»։

Քայլ 3. Բացված դիմումի պատուհանում լրացրե'ք Ձեր բանկային հաշվեհամարը և վերադարձվող գումարի չափը։ Հաշվեհամարը լրացնելուց հետո բանկի անվանումը լրացվում է ինքնաշխատ։ Սեղմե'ք «Գրանցել»։

Քայլ 4. Դիմումը գրանցելուց հետո կբացվի պատուհան, որտեղ սեղմե'ք «Մարում/վերադարձ» կոճակը։ Սա նշանակում է, որ համաձայն եք՝ տվյալ օրվա ավարտից հետո գումարը փոխանցվի Ձեր միասնական հաշվին։

Քայլ 5. Գրանցված դիմումը կհայտնվի «Լրացված հայտարարագրեր» բաժնում։ Այստեղ սեղմե'ք «Ստորագրել» կոճակը, ընտրե'ք ստորագրության ձևը և էլեկտրոնային ստորագրեք դիմումը։ Այնուհետև սեղմե'ք «Հանձնել ՊԵԿ»։

Վերջ։ Ձեր դիմումը ուղարկված է։ Սոցիալական ծախսերի փոխհատուցումը Ձեր նշած բանկային հաշվեհամարին կհատուցվի մինչև 3-րդ աշխատանքային օրը։

Առողջապահության գծով Ձեր և Ձեր ընտանիքի համար կարող եք ստանալ մինչև 50,000 դրամ տարեկան վերադարձ։

Չնայած այս առանձին սահմանաչափերին, օրենքով սահմանված ընդհանուր վերադարձի գումարը չի կարող գերազանցել 100,000 դրամը, և այս սահմանափակումը վերաբերում է ինչպես Ձեր, այնպես էլ Ձեր ընտանիքի անդամների կատարված ծախսերին։

Օրինակ՝ Դուք ուսման համար վճարել եք 120,000 դրամ, իսկ առողջական ծառայությունների համար՝ 30,000 դրամ։ Հարկային վերադարձ կստանաք միայն 100,000 դրամ

Եթե ցանկանում եք դադարեցնել Ձեր ապահովագրության պայմանագիրը, կարող եք դիմել «ԷՖԵՍ» ապահովագրական ընկերությանը և ներկայացնել դիմումը։ Դադարեցմանը դիմումը պիտի ներկայացվի.

- Ընկերության գրասենյակում

- Էլեկտրոնային նամակի տեսքով՝ ուղարկված ապահովագրության վկայագրում նշված էլեկտրոնային հասցեից։

Ձեր դիմումը ստանալուց 15 օր անց Ձեր ապահովագրության պայմանագիրը դադարեցված կլինի։

Խնդրում ենք հաշվի առնել, որ ապահովագրության պայմանագրի դադարեցման պարագայում վճարված ապահովագրավճարները ենթակա չեն վերադարձման։

Ապահովագրության պայմանագիրը վաղաժամկետ դադարում է․

• Ապահովադրի/ ապահովագրված անձի մահվան դեպքում,

• Ապահովագրողի կողմից ամբողջ ապահովագրական գումարի չափով ապահովագրական հատուցում վճարելու գծով իր պարտավորությունները կատարելու դեպքում,

• Կողմերից մեկի՝ Պայմանագրից ցանկացած պահի հրաժարվելու դեպքում, պայմանով, որ հրաժարվող կողմը այդ մասին ոչ պակաս, քան 15 օր առաջ ծանուցել է մյուս կողմին,

• Եթե Ապահովադիրը համաձայն չէ Ապահովագրողի կողմից Պայմանագրի և/կամ Կանոնների պայմանների վերանայման և/կամ լրացուցիչ ապահովագրավճար վճարելու առաջարկի հետ,

• Ապահովադրի կողմից Պայմանագրով սահմանված ժամկետներում ապահովագրավճարի չվճարման դեպքում,

• Կողմերից մեկի՝ Պայմանագրի էական խախտում թույլ տալու դեպքում,

• ՀՀ օրենսդրությամբ, Կանոններով կամ Պայմանագրով նախատեսված այլ դեպքերում:

Համապատասխան դիմումի համաձայն՝ Ապահովադիրն/ապահովագրված անձն իրավունք ունի ստանալ Պայմանագրի կրկնօրինակը՝ բնօրինակի կորստի, վնասվածքի կամ ոչնչացման դեպքում։