EFES Roadcare

Ապահովագրության պայմանագիրը դադարեցվում է հետևյալ դեպքերում․

1. Ապահովագրության պայմանագրի գործողության ժամկետն ավարտվել է,

2. Կողմերից մեկի՝ պայմանագրից հրաժարվելու դեպքում, եթե այդ մասին ոչ պակաս, քան 15 օր առաջ ծանուցվել մյուս Կողմին, պայմանով, որ հրաժարման պահին ապահովագրական պատահարի տեղի ունենալու հավանականությունը չի վերացել,

3. Կողմերից յուրաքանչյուրի նախաձեռնությամբ, եթե մյուս Կողմը թույլ է տվել ապահովագրության պայմանագրի էական խախտում,

4. Ապահովագրական պատահար չհանդիսացող հանգամանքների հետևանքով ՏՄ-ի ամբողջական կորստի դեպքում,

5. ՏՄ-ի նկատմամբ սեփականության իրավունքը գրանցվել է Ապահովադրից կամ Շահառուից կամ Պայմանագրով սահմանված Սեփականատերից տարբերվող այլ անձի անունով,

6. ՏՄ-ի՝ հաշվառումից հանելու դեպքում,

7. Ապահովագրության պայմանագրի կնքումից հետո հայտնի էդարձել, որ Ապահովադիրը տրամադրել է կեղծ տեղեկություններ կամ թաքցրել է դրանք,

8. Պայմանագրով սահմանված ժամկետում և չափով Ապահովադրի կողմից ապահովագրավճարը (ապահովագրավճարի հերթական մասը) չվճարելու դեպքում։

9. ՀՀ քաղաքացիական օրենսգրքով, Կանոններով և պայմանագրով նախատեսված այլ դեպքերում:

Ապահովագրական պայմանագրի գործողության ընթացքում պայմանագրի կրկնօրինակները, տեղեկանքները և այլ տեղեկությունները տրամադրվում են 5 օրվա ընթացքում՝ անվճար:

Ապահովագրության պայմանագրի դադարեցման դեպքում հետ վերադարձվող ապահովագրավճարը հաշվարկվում է հետևյալ եղանակներից որևէ մեկով․

«Ժամանակին համընթաց» (pro rata), այսինքն` Ապահովագրողը համամասնորեն վերադարձնում է ապահովագրության պայմանագրի չլրացած օրերի գծով վճարված ապահովագրավճարը առանց որևէ մասհանումների,

«Կարճաժամկետ» (short term), այսինքն` Ապահովագրողը նետտո ապահովագրավճարից համամասնորեն վերադարձնում է ապահովագրության պայմանագրի չլրացած օրերի գծով վճարված ապահովագրավճարը:

Մանրամասներին կարող եք ծանոթանալ ապահովագրության Կանոններում։

• Ցամաքային տրանսպորտի ապահովագրություն (բացառությամբ երկաթուղային),

• Ցամաքային ավտոտրանսպորտային միջոցների (նաև` բեռնափոխադրող) օգտագործումից բխող պատասխանատվության ապահովագրություն,

• Դժբախտ պատահարներից ապահովագրություն: