ԱՊՊԱ

Հայաստանում ԱՊՊԱ համակարգը ներդրվել է 2011 թվականին։ Ավտոտրանսպորտային միջոց շահագործողները այդ տարվանից սկսած մեքենան շահագործելու համար պարտադիր պետք է ունենան գործող ԱՊՊԱ պայմանագիր։

Ավտոտրանսպորտային պատահարի դեպքում հնարավոր է պատճառվել հետևյալ վնասները․

​

1. Մեղավոր ավտոտրանսպորտային միջոցին, վերջինիս վարորդին, ուղևորներին, վերջիններիս պատկանող գույքին,

2. Անմեղ ավտոտրանսպորտային միջոցներին, վերջինիս մեջ գտնվող վարորդին և ուղևորներին և վերջիններիս պատկանող գույքին,

3. Անցորդներին, հետիոտնին,

4. Կենդանիներին,

5. Այլ գույքի, օրինակ՝ խանութներին, սյուներին, արգելապատնեշներին, դարպասներին և այլն։

​

ԱՊՊԱ պայմանագիրը ծածկում է վերոնշյալ բոլոր ծախսերը, բացառությամբ մեղավոր մեքենայի և դրա վարորդին պատճառված վնասները, ինչպես նաև վարորդի ընտանիքի անդամների գույքային վնասները։ Օրինակ, եթե որևէ անձ իր մեքենայով հարվածի իր եղբոր մեքենային, ապա եղբոր մեքենայի վնասը ենթակա չի լինի հատուցման ԱՊՊԱ պայմանագրիշրջանակներում:

Այսպիսով, ԱՊՊԱ պայմանագիր ունենալու դեպքում․

​

• Մեղավոր սեփականատերը (վարորդը) իր ապահովագրական ընկերության միջոցով հնարավորություն կունենա փոխհատուցել ճանապարհատրանսպորտային պատահարի հետևանքով երրորդ անձանց (հետիոտն, ուղևորներ, այլ վարորդներ) պատճառած վնասները,

• Տուժողը կստանա անձնական վնասների (առողջության վերականգնման ծախսերի, չստացված աշխատավարձի, մահվան ծախսերի) և գույքային վնասների (մեքենա և այլ գույք) հատուցում։

 

Մեղավոր մեքենայի վնասները հնարավոր է հատուցվի կամավոր տեսակի ապահովագրության պայմանագրի ներքո, որին անվանում են ԿԱՍԿՈ։

​

ԱՊՊԱ պայմանագիրը պարտադիր է բոլոր անիվավոր տրանuպորտային միջոցների համար, այդ թվում`

• մարդատար ավտոմոբիլներ

• բեռնատարներ

• ավտոբուսներ, միկրոավտոբուսներ

• մոտոցիկլետներ

• քարշակներ

​

Ապահովագրությունը չի տարածվում հեծանիվների, մոպեդների, որոշ տեսակի շինարարական և գյուղատնտեսական տեխնիկայի, ոչ ընդհանուր ճանապարհներով տեղափոխվող զինտեխնիկայի, գոլֆի դաշտում շահագործվող մեքենաների, և այլն նմանատիպ տրանսպորտային միջոցների համար։

​

ԱՊՊԱ պայմանագիրը կնքվում է նվազագույնը 3 ամիս ժամկետով, բացառությամբ «տարանցիկ փոխադրում» և «ժամանակավոր ներմուծում» մաքսային ռեժիմներով, ինչպես նաև ավտոտրանսպորտային միջոցների առևտրով զբաղվող իրավաբանական անձանց և անհատ ձեռնարկատերերի կողմից վաճառքի համար Հայաստանի Հանրապետության տարածք վարելու միջոցով ներմուծվող տրանսպորտային միջոցների, որոնց վերաբերյալ ԱՊՊԱ պայմանագիրը կնքվում է նվազագույնը 10 օր ժամկետով:

​

ԱՊՊԱ պայմանագրի ներքո հատուցման առավելագույն չափերն են․

անձնական վնասների դեպքում`

• մեկ ապահովագրական պատահարի համար 33 000 000 ՀՀ դրամ,

• յուրաքանչյուր տուժողի համար` 3 300 000 ՀՀ դրամ,

գույքային վնասների դեպքում`

• մեկ ապահովագրական պատահարի համար 18 000 000 ՀՀ դրամ,

• յուրաքանչյուր տուժողի համար` 1 800 000 ՀՀ դրամ։

​

Օրինակ, եթե մեղավորը վնաս է տուժողի մեքենային՝ պատճառելով 500,000 դրամի վնաս, ամբողջ վնասը կհատոցվի ԱՊՊԱ պայմանագրի ներքո։ Եթե մեղավորը պատճառում է 3,000,000 ՀՀ դրամի վնաս, ապա ԱՊՊԱ պայմանագիրը կհատուցի 1,800,000 ՀՀ դրամ, իսկ մնացած 1,200,000 ՀՀ դրամը մեղավորը պետք է հատուցի իր անձնական միջոցների հաշվին։ Այսպիսի սցենարից ուսափելու համար կարող եք նախօրոք ձեռք բերել ավտոտրանսպորտային միջոցների օգտագործումից բխող պատասխանատվության կամավոր ապահովագրության (ԱՊԿԱ) պայմանագիրը: